A Comisión Organizadora do Congreso (COC) de Lousame, Ribeira e Teo deu a coñecer hoxe, unha vez pechado o prazo
para a recollida de avais, as tres persoas que reuniron os apoios necesarios para poder presentar a súa candidatura para presidir a Xunta Local do Partido Popular dos devanditos municipios.
No caso do Lousame, Esteban Ares García, tenente da alcaldesa na actualidade, Teresa Villaverde, foi a única persoa capaz de presentar os avais mínimos que eran necesarios poder optar a presidir o partido. Así, o actual membro do Goberno Local poderá ser nomeado presidente local o próximo 15 de xullo, día no que se celebrarase o Congreso Local.
Pola súa banda, María Sampedro, actual voceira local do Partido Popular de Ribeira, aspira a liderar a formación na localidade do Barbanza, despois de conseguir reunir máis de 130 avais que apoian a candidatura que se presentará ao Congreso Local o 17 deste mes.
Por último, Lucía Calvo, proclamada alcaldesa de Teo nas últimas eleccións municipais, poderá aspirar a liderar a formación popular do seu municipio no Congreso Local don 18 de xullo, despois de que esta tarde presentase un total de 56 avais que apoian a súa candidatura.
Pechado o prazo para presentar os avais, os tres candidatos poderán comezar unha campaña interna que se prolongará desde o 5 ao 11 de xullo.
Posteriormente, rematado este proceso, procederase á celebración dos tres congresos locais que se levarán a cabo no Restaurante Trapeiro (Lousame), no Hotel Congreso de (Teo) e nun lugar aínda por determinar en Ribeira.
