A Asociación Lúdica e Cultural de Escarabote e o Concello de Boiro presentaron este 1 de xullo a programación das Festas Patronais de Santiago de Lampón que se celebran entre o 20 e o 25 de xullo. A concelleira de Cultura, María Outeira, participou na presentación do programa das festas xunto con Roberto Vicente e outros membros da comisión.
As festas comezan o sábado 20 de xullo con alboradas a cargo do grupo de gaitas Os Salgueirños e misa na honra de San Antonio de Padua. Pola tarde haberá o xogo da chave e actuación de baile tradicional con Xilbarbeira. A verbena da noite estará amenizada por orquestra Platinum e disco móbil Troula con DJ Tamara, DJ Khris Guez e gogós.
O domingo 21 celebrarase a misa rezada na honra da Virxe do Carme, procesión e misa solemne na explanada portuaria con procesión marítima e ofrenda floral a partir das 12.00 horas. As 13.00 horas haberá sesión vermú con DJ Matrek e pola tarde xogo da cucaña e verbena, a partir das 23.00 horas con orquestra New York e DJ JJ Compota. Ás 00.00 horas tirada de fogos de artificio.
O luns haberá festa infantil pola tarde, a partir das 17.00 horas e verbena con Marbella e DJ Matrek. Os festexos continúan o xoves 25 de xullo coa misa na honra do Apóstolo Santiago ás 13.00 horas. “Somos unha comisión nova, coa que queremos recuperar as festas na nosa parroquia e preparamos un programa de actividades para todos os públicos”, afirmaron da comisión.
Pola súa parte María Outeiral convidou á veciñanza a participar e asistir a estes festexos que “esta comisión organizou con tanto esforzo para recuperar as festas de Lampón”.
Programación
Sábado 20 de xullo
Alborada a cargo do grupo de gaitas Os Salgueiriños
12.00h – misa solemne
19.00h – xogo da chave
20.30h – actuación de baile tradicional con Xilbarbeira
21.00h – misa rezada
22.30h – pregón a cargo de Rogelio Santos
23.00h – verbena con orquestra Platinum e disco móbil Troula
Domingo 21 de xullo
Alborada a cargo do grupo de gaitas Os Salgueiriños
10.00h – misa rezada na honra da Virxe do Carme
11.00h – saída da procesión da Virxe do Carmen
12.00h – misa solemne na explanada portuaria
13.00h – sesión vermú con DJ Matrek
19.00h – xogo da cucaña
23.00h – verbena con Orquestra New York e DJ Compota
00.00h – tirada de fogos de artificio
Luns 22 de xullo
Alborada a cargo do grupo de gaitas Os Salgueiriños
12.00h – misa solemne na honra María Magdalena
17.00h – festa infantil
23.00h – verbena con Marbella e DJ Matrek
Xoves 25 de xullo
Alborada a cargo do grupo de gaitas Os Salgueiriños
10.00h – misa rezada
13.00h – misa solemne na hora de Santiago Apóstolo
