Sucedeu na praia de Esteiro e ambas foron evacuadas ao centro hospitalario, unha en ambulancia e a outra a bordo do helicóptero medicalizado con base en Santiago.
Un particular chamou ao 112 Galicia cinco minutos despois das 18:30 horas solicitando asistencia sanitaria urxente para as implicadas, que saltaron da ponte ao mar xusto cando un barco pasaba por debaixo: mentres que a primeira caeu enriba da embarcación, a segunda golpeouse e acabou caendo na auga.
Rapidamente, ambas menores foron levadas a terra, onde as atenderon os servizos sanitarios e desde onde as trasladaron ao centro hospitalario de referencia.
Para este operativo, os xestores do 112 Galicia alertaron a Urxencias Sanitarias de Galicia-061, aos axentes da Garda Civil e ao GES de Muros. Tamén se informou á Policía Autonómica.
Mentres unha persoa resultou ferida tras saírse da vía e colidir contra unha casa en Cee
Aínda que nun primeiro momento perdeu a conciencia, xa a recuperara cando foi trasladada na ambulancia ao hospital de referencia.
Foi un particular quen chamou ao 112 Galicia ás 17:45 horas e explicou que un vehículo acababa de colidir contra o muro dunha casa no quilómetro 87 da AC-552, na Pereiriña. Durante a conversa sinalou que a persoa implicada non respondía aos seus intentos de contactar con el. Con todo, estaba liberada e accesible.
No operativo participaron Urxencias Sanitarias de Galicia-061, os Bombeiros de Cee, a Garda Civil de Tráfico e os voluntarios de Protección Civil do municipio.
Os bombeiros comunicaron unha vez finalizada a súa intervención que a persoa foi trasladada consciente e que sufrira un forte golpe na cabeza.
