Dúas patrulleiras da Garda Civil vixían o Shtandart, unha réplica dun barco do século XVIII que desde o venres permanece ancorado fronte á Illa. O capitán da fragata rusa que fondeou sen permiso en Arousa alega unha avaría, falta de provisións e que o buque non toca porto desde o 7 de xullo
A fragata rusa, o ‘TS Shtandart’, atópase baixo custodia da Garda Civil na Illa de Arousa, Pontevedra, despois de fondear sen permiso na zona. O buque, que navega baixo bandeira das Illas Cook desde o 6 de xullo debido ás sancións da Unión Europea contra embarcacións rusas, non puido atracar en Vigo e espera autorización para permanecer fondeado ata o 5 de agosto.
