Galicia prevé recibir esta semana uns 280 migrantes, 104 este martes. Chegan procedentes das Canarias, onde permaneceron un tempo logo de fuxir da guerra do seu país, Malí.
O Albergue do Monte do Gozo recibirá hoxe a chegada do primeiro grupo de inmigrantes que serán acollidos este verán en Galicia. Así, prevese que uns 100 deles chegue hoxe á capital compostelá, desde onde máis tarde serán repartidos por todo o país.
Estes son homes adultos que xa pasaron un tempo en Canarias tras desembarcar nas illas, que chegan ao noso país fuxindo da guerra de Mali e que, na súa maioría, xa iniciou o proceso de solicitude de asilo.
Espérase que ao longo do mes de agosto continúen chegando máis deles e que o albergue chegue a acoller ata uns 200.
Nesta liña, segundo fontes do Goberno central, a comunidade galega recibirá durante este verán 470 inmigrantes procedentes de Canarias, aínda que, tal e como indicou o propio executivo, as cifras datas poden variar en función da emerxencia sanitaria.
Doutra banda, segundo confirmou a conselleira de Política Social, a ribeirense, Fabiola Martínez, a Xunta de Galicia ten «todos os dispositivos preparados» para atender aos migrantes procedentes de Mali, entre os que non hai menores.
O goberno galego ha establecido un dispositivo sanitario no Monte do Gozo, coordinado polo 061, para avaliar a todas estas persoas e confirmar que non haxa menores entre os adultos, segundo detallou García.
Ademais, Galicia recibirá na primeira quincena de agosto a 14 menores migrantes, como se acordou na recente conferencia sectorial. «Temos todos os centros e casas de acollida preparadas para eles», asegurou a conselleira.
