A patronal boirense (ABE) organiza este sábado 8 de xuño unha edición especial da súa Noite Aberta, cuxos ingredientes fundamentais serán os descontos, os sorteos, os agasallos e as actividades na rúa (a ruleta da sorte, os inchábeis e a animación infantil e familiar). Os comercios ofrecerán importantes descontos durante toda a xornada e realizarán actividades especiais como degustacións, sorteos de vales de compra, reparto de agasallos, premios directos con compras, actuacións de grupos musicais e DJ, etc… Até 32 negocios participarán nesta iniciativa e estarán sinalizados cunhas bandeiras rosas elaboradas para a ocasión.
Centos de premios na Ruleta da Sorte da ABE
Os clientes que realicen as súas compras durante a xornada do sábado terán a posibilidade de acadar premios directos coa ruleta da sorte da ABE. A ruleta estará situada na rúa Peonil dende as 18.30 e ata as 21.30 horas e cada tícket de compra superior a 10 € dará dereito a realizar unha tirada coa que os clientes poderán gañar agasallos directos para este verán como: botellas, balón de praia, frisbies, neceser, porta móbiles, bolsas…….
Parque de inchábeis na praza do Concello
Os negocios participantes entregarán aos clientes, coas súas compras, convites para que os cativos da casa poidan desfrutar dos 4 inchábeis que estarán situados na praza do Concello durante a tarde do sábado. Os convites tamén se poden conseguir na ruleta da sorte.
Animación de rúa e actividades nos comercios
O Concello de Boiro programará actividades de animación de rúa co seu evento Aloumiño, que se integra na axenda da Noite Aberta. Será na praza do Centro Social. Ademais nos comercios organízanse diferentes actividades especiais que se poden consultar, xunto cos descontos e o resto do programa tanto na web da ABE www.abe.gal coma nas redes sociais.
Na praza do Centro Social
11:30 Obradoiro de maquillaxe de Sisel Galicia
11:30 Obradoiro Verbas en galego de Sisel Galicia
12:00 Bichocas de Xarope Tulú (de 0 a 4 anos)
13:00 Elas de Vero Rilo (+3 anos)
17:00 Obradoiro de Arte con Letras de Sisel Galicia
17:00 Obradoiro de moldeado de Sisel Galicia
17:30 Moraima de Percubebés (0 a 6 anos)
18:30 Pepa A Loba de Cris Collazo (+3 anos)
Na rúa peonil (esquina Breiro)
20:00 Superheroe de Fran Rei
21:00 Son animal de Paco Nogueiras (Tódolos públicos)
A Noite Aberta de Boiro conta coa colaboración do Concello de Boiro e está cofinanciada pola Xunta de Galicia.
As localizacións poden varias en función da climatoloxía.
