Vista Alegre (Boiro) acolle o 29 a II edición do Torneo Solidario Interparroquial en beneficio de ASANOG

10 Xuño 2024

O Concello de Boiro colabora un ano máis co Torneo Solidario Interparroquial en beneficio da Asociación de Axuda a Nenos Oncolóxicos de Galicia (ASANOG) que, chega á súa segunda edición o sábado 29 de xuño de 2024 en Vista Alegre. Na presentación da actividade, celebrada este 10 de xuño, estiveron o concelleiro de Deportes, Marcos Fajardo; Lara Buig e Víctor Rodríguez, da organización; e Aldara Palmeio e Yenny Rodríguez de ASANOG.

O torneo contará con fase de grupos, semifinal e final, no que van participar 8 equipos que representan a cada unha das parroquias. “O ano pasado foi un éxito en implicación e recadación, e esperamos que este ano se repita pola importancia da finalidade deste torneo”, afirmaron dende a organización.

“Para as familias ASANOG é un salvavidas”, recoñeceu Lara Buig que animou a colaborar co torneo mercando rifas ou realizando doazóns nas huchas repartidas polos establecementos de Boiro. O propio día do torneo, a partir das 17.00 horas en Vista Alegre, haberá sorteos de agasallos doados por establecementos boirenses entre todas as rifas vendidas.

“Dende ASANOG estamos moi contentos de volver formar parte deste evento que busca seguir recadando fondos para acompañar ás familias que están pasando por procesos oncolóxicos e aportar distintos servizos”, afirmaron.

A asociación leva dende o ano 2012 acompañando a familias e a recadación do torneo do ano pasado estivo destinada, esencialmente, a aumentar a atención psicolóxica grazas aos convenios con gabinetes de toda Galicia.

O concelleiro de Deportes, Marcos Fajardo, animou á veciñanza a colaborar con este evento solidario “que vai moito mais alá do eido deportivo e ten esa finalidade solidaria, de recadar fondos para axudar ás familias de nenos e nenas oncolóxicos”.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Incendio no estaleiro de ribeira na Barquiña no concello de Outes

Dotación de bombeiros do Consorcio Contra Incendios e Salvamento de A Coruña con base en Boiro e Ribeira xunto Ges de Noia e Garda Civil intervimos en incendio de Asteleiro de Ribeira na Barquiña no Concello de Outes. Ao redor das 02:37 horas rexistrouse un incendio...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....