O Diario Oficial de Galicia (DOG) publicou este 4 de xuño a resolución da convocatoria das axudas para a promoción das festas de interese turístico de Galicia da que este ano son beneficiarias un total de 97 festividades das catro provincias. Como novidade, Turismo de Galicia incrementou este ano o orzamento global, ata os 500.000 euros, e tamén o apoio que recibe cada festa, pasando de 3.000 ata 4.000 euros.
A través desta convocatoria reciben a a axuda 28 festas de interese turístico de Galicia da provincia de A Coruña, 23 da provincia de Lugo, 19 festas da provincia de Ourense e 27 da provincia de Pontevedra.
Podían ser beneficiarios os concellos galegos nos que se celebrasen durante este ano 2024 festas de interese turístico de Galicia, que a día de hoxe superan as 140, e só se podía conceder unha axuda por concello.
Cada festividade beneficiaria recibe este ano 4.000€ por parte de Turismo de Galicia coa intención de potenciar estas festas co recoñecemento de interese turístico de Galicia e contribuír a parte dos investimentos directamente vinculados a elas. Así, sufráganse, entre outros, gastos vinculados coa promoción e difusión turística da festa como publicidade, cartelaría, anuncios nos diferentes medios de comunicación, actuacións artísticas… No caso de celebracións de festas gastronómicas son subvencionábeis os gastos de adquisición do produto obxecto da festa.
Inclúense as seguintes celebracións da nosa comarca: a Festa da Dorna (Ribeira), as Festas da Guadalupe de Rianxo, a Romaría de San Ramón de Bealo (Boiro) e a Festa de Xesús O Nazareno. Festa das Mortallas (Pobra do Caramiñal), todas elas apoiadas con 4.000 euros cada unha.
