O programa de roteiros Goza do Ulla volve a Rianxo o vindeiro 6 de xullo cunha ruta, As Brañas-Tres Cruces, organizada conxuntamente entre o Concello de Dodro e o Concello de Rianxo para desfrutar da fermosa paisaxe do treito final do río e do esteiro do Ulla. A actividade é de balde e as inscricións estarán abertas ata o día 3 de xullo. Quen precise máis información tena na web municipal rianxeira.
Por certo que o programa Goza do Ulla consta dun total de 18 andainas promovidas polos concellos bañados polo río Ulla (máis información no folleto do apartado de descargas).
O trazado previsto do itinerario deste 6 de xullo é lineal e percorre camiños de Dodro e Rianxo, con saída na Lavandeira (Imo, Dodro) e chagada á Rañó (Leiro, Rianxo), pasando por varios lugares destacados da contorna do Ulla. Destacan o conxunto de hórreos da Lavandeira, As Brañas e As Tres Cruces, onde se atopa o Vía Crucis marítimo-fluvial do esteiro do río. O percorrido permitirá aos participantes desfrutar da paisaxe do esteiro, da ría de Arousa e da marxe oposta pertencente aos municipios de Catoira e Vilagarcía, incluíndo a illa de Cortegada.
Información da andaina:
Actividade de balde.
Data: Sábado, 6 de xullo.
Hora de inicio: 09:30 h
Lugar de inicio: A Lavandeira, no lugar de Imo (Dodro).
GPS 42º42´45.71” N 8º43´26.63” O
Google maps
Lugar de remate: Praza da Veliña, en Rañó (Leiro)
Duración (aprox.): Entre 3,5 e 4,5 horas, segundo o ritmo.
Distancia (aprox.): 18 Km
Autobuses: Ao remate da andaina haberá servizo de autobuses para volver ao punto de inicio do roteiro.
Mascotas: Non está permitido levar animais durante o percorrido desta actividade.
I
