O presidente do Partido Popular na provincia da Coruña, Diego Calvo, manifestou que os resultados logrados polo partido nas últimas xerais, autonómicas e europeas ratifican que o PP é a opción maioritaria cada vez que os veciños acoden a unha cita coas urnas. Con máis dun 42% do voto nas últimas europeas, os populares superaron en máis de 80.000 votos aos socialistas e en máis de 120.000 ao BNG. Ademais, o PP gañou en 92 dos 93 concellos da provincia, conseguindo 30.000 votos máis que os alcanzados nas europeas do 2019.
Neste camiño por seguir preparando á súa formación para os seguintes retos, a Xunta Directiva provincial aprobou a celebración dos próximos congresos locais en Lousame, Ribeira e Teo, os días 15, 17 e 18 de xullo.
