O pleno de Boiro aproba os Orzamentos Xerais do Concello

21 Xuño 2024

O Concello de Boiro celebrou este xoves día 20 o pleno ordinario da Corporación correspondente ao mes de xuño. A sesión contou coa ausencia dunha concelleira do Partido Popular, polo que había un total de 16 membros da corporación.

O Pleno pode verse íntegro mediante a canle de YouTube do Concello de Boiro.

Votacións da sesión plenaria:

1 Aprobación do ditame sobre a aprobación inicial dos Orzamentos Xerais do Concello de Boiro para o exercicio 2024 – aprobado con 9 votos a favor (PSOE), 5 votos en contra (PP e Boiro Novo) e 2 abstencións (BNG).

2 Aprobación do ditame sobre a resolución de alegacións e aprobación definitiva da modificación puntual nº1 da RPT – aprobado con 9 votos a favor (PSOE) e 7 votos en contra (PP, BNG e Boiro Novo).

Orzamentos

O Orzamento aprobado en inicio neste pleno é un documento que supera por primeira vez a barreira dos 17 millóns, ata alcanzar os 17.367.000 euros, sendo un 3,02% maior có do anterior exercicio. As contas destinan un 38,35% do total, 6.660.818,67 euros, a gastos de persoal. Para bens e servizos destínase un 43.32%, un total de 7.523.678,57 euros; e para investimento un 7,19%, superando os 1.250.000 euros, que se van a empregar para a pavimentación de diversas rúas no rural, actuacións en Bealo, Pazos de Coroño, Cubeliño e Ferreiros, en O Saltiño, a costa de Espiñeira e en Esteiro. Ademais, parte do investimento do orzamento destinarase a financiar a parte que corresponde ao Concello do Campo da Mina, que se vai a executar mediante o Plan de Obras e Servizos da Deputación da Coruña. Amais, un total de 838.555,50 euros resérvase para asociacións, clubs e entidades deportivas.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...