O nova edición do Festival Atlántica trae actuacións a Ribeira, A Pobra, Outes e Dodro

13 Xuño 2024

O Festival Atlántica presentou este xoves 13 de xuño o programa completo da súa duodécima edición, que se vai celebrar entre o 1 e o 7 de xullo, con actuacións na nosa comarca: en Dodro, Outes, Ribeira e A Pobra do Caramiñal. Na rolda de prensa participaron Natividade González, deputada de Cultura da Deputación da Coruña; Míriam Louzao, concelleira de Capital Cultural, Turismo, Educación e Memoria Histórica do Concello de Santiago; e Soledad Felloza, directora de Atlántica. Ademais, tamén acudiron ao evento Evelyne López Mussons, coordinadora de Atlántica en Portugal, e numerosos representantes de concellos, asociacións e colectivos colaboradores do festival

Coma en edicións previas, Atlántica vai chegar ás grandes cidades como Santiago de Compostela, A Coruña, Vigo, Ourense e Ferrol, mais tamén a concellos de tamaño medio como Ribeira, Vilalba, Caldas de Reis, Betanzos ou Teo, e a concellos do rural como Pazos de Borbén, Dodro ou Alfoz, Cuntis e Outes, entre outros. “Este festival ten unha capilaridade que se espalla polo territorio grazas á complicidade de múltiples axentes institucionais e da sociedade civil e que fai de Atlántica un ente cultural flexíbel, que se dá adaptado a públicos e espazos diversos”, sinalaron Louzao, González e Felloza, salientando o a vontade de descentralizar o programa dende Santiago, sede principal de Atlántica, onde as funcións urbanas conviven coa aposta decidida por barrios, lugares e parroquias do extenso rural do concello.

Mais Atlántica 2024 non esquece a súa función reivindicadora da narración oral como disciplina artística, ben sexa coa programación de propostas de La Chana Teatro como a montaxe Pisando el llano, espectáculo inaugural, ou a singular Blancanieves, na que todas as personaxes son lámpadas, peza multipremiada que no 2023 acadou o Max ao mellor espectáculo infantil e xuvenil.

Haberá tamén espazo para as estreas Contar para vivilo, de Cándido Pazó, Contos de revolución. Entre Brassens e Neira Vilas, de Dani Blanco, Contos, cantos e outros tantos, da portuguesa Ana Sofía Paiva e as Lendas suburbanas de Quico Cadaval. E seguirá a aposta polos contos de terras afastadas e bañadas por outros mares, como as historias de fino humor de Yoshi Hioki e tamén pola potencia narrativa da terra e da que é bo exemplo o Premio Nacional Paula Carballeira.

Atlántica volverá transitar pola senda da narración oral como disciplina híbrida, facendo fincapé na boa maridaxe entre contos e música. Unha mestura que está a dar moi bos resultados entre o público infantil —2004-2024-Grandes éxitos de Caxoto ou Son animal de Paco Nogueira—, pero tamén co público adulto, como demostrará Su Garrido Pombo ao clausurar o festival con Patio de luces.

Presentación do programa en Santiago. Fotos de Javier Albor.

Non faltará un clásico de Atlántico: os roteiros narrados. “A colaboración con axentes locais expertos permite amosar o poder das historias como xeito de transmitir e dar a coñecer o patrimonio material e inmaterial”, sinalaron na presentación do programa, engadindo que este ano haberá en Santiago unha ruta en bicicleta polos castros da bisbarra e mais un percorrido polo petróglifos da Devesa da Rula e polo románico do rural. Reivindicarase tamén o legado da Igrexa de Vilar de Donas da man de Carola Casal e Carme Varela con 800 anos das Giocondas galegas, Guillermo Llorca guiará pola escultura urbana de Ferrol e José María Eguileta paseará pola evolución urbana de Ourense, por citar algunhas das doce actividades programadas.

Fiel á súa filosofía, Atlántica segue a amosar a súa faceta integradora: mantén o seu compromiso coas persoas con discapacidade auditiva programando funcións con interpretación en lingua de signos, regresará á aula de pediatría do CHUS e, como novidade desta edición, desenvolverá unha experiencia particular ”silandeira” con colectivos con TEA e TDH.

Sementando novos espectadores

Aínda que a maior parte do programa está previsto para xullo, o Festival Atlántica Miúdo volve ollar cara aos máis pequechos na recta final do curso escolar. Xa que logo, entre o 14 e o 22 de xuño haberá un programa especial concibido para o público infantil de centros de ensino de Santiago, Brión e Pazos de Borbén. Tamén están previstas funcións na Biblioteca Ánxel Casal e mais no Hospital Clínico Universitario de Santiago (CHUS). Alén diso, entre o 1 e o 7 de xullo, Atlántica inclúe unha grande oferta para a cativada e as súas familias que se pode consultar, co resto da programación, na web festivalatlantica.gal.

O XII Festival Atlántica é posíbel grazas ao patrocinio da Xunta de Cultura e da Deputación da Coruña e ao apoio dos concellos de Santiago de Compostela, Ferrol, Teo, Alfoz, Caldas de Reis, Dodro, Mugardos, Outes, A Pobra do Caramiñal, Ribeira, Sanxenxo e Vilalba.

En Dodro

Venres 5 de xullo
21.00 h – HISTORIAS DE FILANDAR
José Luis Gutiérrez Don Guti (Zamora)
O Pozo do Conxeiro en Eiró

Sábado 6 de xullo
21.00 h – COMO CEREIXAS
Ana Sofía Paiva (Portugal) e Charo Pita (Galicia)
Praza do Peixe de Lestrobe

En Outes

Sábado 6 de xullo
20.30 h – CONTOS DE XAPÓN
Yoshi Hioki (Xapón)
Espazo Museístico da Carpintaría de ribeira en Broña (Outes)
Adultos | Castelán

Sábado 13 de xullo
20.30 h – IDA E VOLTA
En branca e negra [Cris de Caldas (Galicia) e Amor Herrera (Cuba)]
Terraza do Náutico no Freixo
Adultos | Galego

Na Pobra do Caramiñal

Venres 5 de xullo
21.00 h – PATIOS DE LUZ
Su Garrido Pombo (Galicia)
Xardíns do Pazo do Couto entrada pola fonte do Castelo
Adultos | Galego

Sábado 6 de xullo
21.30 h – IDA E VOLTA
En branca e negra [Cris de Caldas (Galicia) e Amor Herrera (Cuba)]
Adultos | Galego
O Cantón da Leña
Adultos | Galego e castelán

En Ribeira

Venres 5 de xullo
21.00 h – Á VOLTAS DOS CONTOS
María da Pontragha (Galicia)
Lavadoiro de Penisqueira
Adultos | Galego

Sábado 6 de xullo
21.00 h – CONTOS DE REVOLUCIÓN ENTRE BRASSENS E NEIRA VILAS
Dani Blanco (Galicia) e Zé Pumar (Galicia)
Miradoiro da Pedra da Ra
Adultos | Narración en galego e música en francés

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...