O Concello de Rianxo fixo balance esta semana dos recursos que pon á súa disposición a Deputación da Coruña a través do Plan Único da institución provincial. Estamos a falar dunha contía de 525.000€, que segundo explican fontes do Consistorio, destinarase fundamentalmente a mellorar cuestións pendentes de abastecemento e saneamento de auga en diferentes núcleos das parroquias, e tamén a avanzar en iluminación sustentábel, en conciliación familiar e en atención a persoas dependentes.
-Ampliación de redes de abastecemento e saneamento no lugar de Villanustre (Asados) para darlle servizo a 12 vivendas – 197.582,00€.
-Conexión de rede de abastecemento de auga entre Corques e Outeiro (Taragoña) coa finalidade de seguir ampliando a rede cara a parroquia de Araño – 90.713,70€.
-Dous proxectos para a mellor da iluminación en dúas terceiras partes do paseo marítimo – 80.000,00€.
-Un total de 72.793,40€ para gastos sociais, entre os que destacan os 20.000€ para a posta en funcionamento de medidas de conciliación familiar no Concello de Rianxo, ou os 8.000€ que se destinarán á creación dunha liña de axudas técnicas para persoas en situación de dependencia.
