O Concello de Rianxo informou da ampliación das prazas inicialmente previstas do Campamento Concilia Verán 2024 coa finalidade de “atender a gran demanda de prazas por parte das familias rianxeiras”. O campamento, destinado á rapazada de entre 3 e 12 anos, desenvolverase no IES Félix Muriel, no CEIP Ana María Diéguez e no CEP Brea Segade dende o 24 de xuño ata o 30 de agosto. Ademais, contará con Plan Madruga. O Concello publicou na Rede as listaxes provisionais de admitidos/as e máis a información das bases e condicións do Campamento.
Na edición do ano pasado participaron máis de máis de 240 rapaces e rapazas de entre 4 e 11 anos.
O campamento é un xeito de botar unha man ás familias que máis precisan atopar alternativas de lecer para rapazada durante este verán e con formato de horario estendido.
