O Concello de Boiro colabora no desenvolvemento do II Campionato de España – II Copa de España Juvenil – I Copa de España Feminina de Perros Atraillados de Rastro sobre Jabalí Salvaje, que se desenvolve os días 21 e 22 de xuño en Dodro, Rianxo, Boiro e A Pobra. O concelleiro de Deportes, Marcos Fajardo, participou na presentación xunto con Óscar Meijide, delegado de rastro da Federación Española de Caza; e Tito Tarela, federación provincial de caza da Coruña.
Esta proba deportiva consta dun competidor e un can atado que busca o rastro dun xabarín salvaxe. “Galicia é pioneira nesta modalidade, na que van participar competidores de distintas comunidades autónomas”, afirmaron dende a organización da proba.
“Trátase dunha competición nova que, dende o Concello acollemos gustosos, e que se vai desenvolver nun paraxe incomparábel como é a nosa serra do Barbanza”, afirmou Marcos Fajardo.
