O Auditorio de Ribeira xa loce como “faro cultural” do concello e da comarca do Barbanza

15 Xuño 2024

No serán deste sábado 15 de xuño inaugurouse oficialmente o novo Auditorio Municipal de Ribeira. O alcalde Luís Pérez Barral, a conselleira de Política Social, a ribeirense Fabiola García, a deputada de Política Social da Deputación da Coruña, Mar García, o senador tamén ribeirense Manuel Ruiz, xunto con toda a Corporación municipal, arquitectos, demais autoridades e a veciñanza de Ribeira, déronse cita ás 19:00 h para o acto oficial e institucional de posta en longo.

As e os participantes na inauguración do novo Auditorio, este sábado en Ribeira. Foto de Roberto Vilar.

O alcalde, recibiu tanto á veciñanza coma ás autoridades e persoeiros convidados ao evento, ás 19:50 h descubriuse unha placa conmemorativa; a continuación procedeuse aos discursos protocolarios nos que interviron a deputada, a conselleira e o alcalde, que deu a benvida a tódolos indicando que “este Auditorio, aparte de sala principal, posúe tamén unha sala polivalente para 120 persoas, un local de ensaio, amplos camerinos e dotado con novas tecnoloxías”. Sinalou que “neste último ano conseguiuse aplicar melloras no equipamento escénico para que se puidera acoller todo tipo de actos; cinema, circo, teatro, danza…”

E engadiu: “Sabemos que o custe desta infraestrutura incrementouse con respecto aos orzamentos iniciais pero tamén creo que momento de mirar cara o futuro para que poidamos converter este gasto nun verdadeiro investimento beneficioso para todos/as, facéndoo coa mellor eficiencia posíbel, porque este Auditorio é voso, é da poboación de Ribeira”. Tamén fixo referencia a que “será un reto de enorme responsabilidade dotalo de contido para que este espazo sexa un motor de dinamización da vida cultural, social e tamén económica do Concello. Ribeira ten un amplo abano de dinamismo cultural e este novo espazo tamén reforzará a cultura local, pero tamén abrirase ao mundo traendo espectáculos a nivel nacional e internacional”.

Luís Pérez nomeou ás entidades que xa non están con nós: Ancoradoiro, A Orquestra Municipal de Aguiño, A Banda Municipal de Música de Ribeira, o Cine Club do Rueiro ou o Grupo do Teatro do Círculo Mercantil; entidades que “foron capaces de crear e promover e estimular a cultura en Ribeira cando non se dispoñía de tantos medios”. E concluíu: “Hoxe foi un día moi especial para a veciñanza de Ribeira, a arquitectura e a cultura danse a man nun novo espazo para una nova era cultural para a nosa cidade”.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.