A Asociación de Mulleres do Babanza (Mulleres en Acción) convoca esta semana unha concentración en apoio á familia de Andrea, veciña de Palmeira asasinada o pasado mes de marzo no seu domicilio na dita vila ribeirense, ante o proceso xudicial que se está desenvolver contra Jhul Prínciipe Casahuaman, ex-parella de Andrea e autor do asasinato. A mobilización será este xoves 20 de xuño ás 11.00 horas no adro da igrexa de Palmeira. “Animamos á veciñanza a sumarse a este acto de apoio a unha familia que está sufrindo as consecuencias máis graves da violencia machista”, sinalan dende a asociación, lembrando que a concentración tamén será un xeito de mostrar a repulsa da cidadanía de Palmeira, Ribeira e O Barbanza contra todo tipo de agresión contra as mulleres.
