Gastromar reivindicará a excelente calidade dos nosos peixes e mariscos na súa 3ª edición (en Ribeira, entre o 23 e o 25 de agosto)Gastromar

12 Xuño 2024

A sede da Asociación de Empresarios de Ribeira acolleu na tarde deste martes 11 de xuño, na sala de xuntas, unha xuntanza de traballo destinada a perfilar todos os detalles relativos á organización da Feira Gastronómica Gastromar, xuntanza na que participaron os representantes das entidades implicadas na feira, incluída a patronal ribeirense, principal impulsora da mesma.

Asistiron á reunión, xunto con membros da Asociación de Empresarios, o patrón maior de Ribeira, José Antonio Pérez Sieira, a xerente da Cooperativa do Mar, María José Casais, e representantes de varios establecementos hostaleiros locais, como A Caseira e o Restaurante Tío Pepe, ademais da voceira do Partido Popular en Ribeira, María Sampedro. A patronal ribeirense non puido contar coa presenza do concelleiro do Mar, Fernando Abraldes, ao que lle foi imposíbel acudir por motivos de axenda e, de feito, escusouse pola súa ausencia.

Na reunión mostráronse os detalles da axenda de traballo e anunciouse a presenza nesta edición da caseta da Deputación da Coruña que por primeira vez participará con stand propio, dando realce ao evento e así como outras empresas de Ribeira pendentes de confirmar.

Francisco Martínez Gude, presidente da patronal, agradeceu a crecente implicación e participación de empresas e entidades: “Cada día son máis as firmas, asociacións, organismos e institucións interesadas en acudir, e agradecemos de antemán o seu apoio, dende a Xunta de Galicia, pasando pola Deputación da Coruña e, como non, o Concello de Ribeira”.

A Feira Gastromar celebrarase os días 23, 24 e 25 de agosto e nela poderanse degustar diferentes peixes e mariscos propios da nosa ría, dos cales a Asociación de Empresarios dará conta en vindeiras xornadas de traballo, unha vez concretados todos os participantes e produtos nas súas diferentes presentacións.

“Estamos a poñer todo o noso empeño nesta terceira edición da feira co obxectivo de que poidan gozar dela tanto a veciñanza da comarca como a xente de fóra que desexe gozar nestes días dos produtos do noso mar e das súas industrias transformadoras”, engadiu Francisco Martínez Gude.

Outros artigos

Martes con mais calor e sol e sen cambios nas próximas semanas

Durante o martes agárdanse ceos despexados en xeral. Posibilidade dalgún banco de néboa illado en zonas de interior. As temperaturas mínimas experimentarán un lixeiro ascenso, quedando as máximas sen cambios repetindo valores do luns. Os ventos soprarán do nordés,...

+

Unha muller faleceu logo de ser atopada inconsciente na auga en Muros

Foi rescatada por unha mariscadora e, malia os intentos por reanimala, os servizos sanitarios só puideron confirmar o seu pasamento. Minutos despois das 14:15 horas, os xestores do 112 Galicia tiveron constancia dos feitos por vez primeira, a través dunha chamada de...

+

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...