Francisco Millán Mon, candidato do Partido Popular ás eleccións europeas visitou a lonxa de Ribeira e reuniuse con representantes do sector pesqueiro. Durante o encontro, discutiuse a importancia dos fondos europeos para proxectos como o Museo do Mar, unha iniciativa promovida anteriormente polos populares, e abordáronse as políticas pesqueiras da Unión Europea.
Millán Mon subliñou a necesidade de aplicar o «sentidiño» fronte ao que denominou como unha «deriva medioambientalista radical» observada nos últimos anos. Propuxo unha lexislación que combine a sustentabilidade ambiental cos intereses do sector pesqueiro e o benestar dos profesionais do mar.
