Ocorreu esta tarde en Ribeira, na parroquia de Palmeira. no Lugar de Cudieiros.
Un veciño resultou golpeado ao saltar do seu tractor en marcha. Segundo explicaron os Bombeiros de Ribeira, o vehículo quedou sen freos cando descendía costa abaixo.
Malia a caída, o señor foi evacuado consciente ao hospital de referencia, tras recibir os primeiros coidados no mesmo lugar do feitos, no lugar de Cudieiros.
Pasaban das seis desta tarde cando unha persoa avisou a través do 112 Galicia. Isto permitiu activar un operativo de asistencia e rescate, que integraron os profesionais de Urxencias Sanitarias de Galicia-061, Bombeiros de Ribeira, membros do Grupo Municipal de Emerxencias e axentes da Policía Local e Nacional.
De feito, os efectivos do parque comarcal de bombeiros axudaron a trasladar o ferido ata a ambulancia para, posteriormente, ser evacuado ao hospital co fin de continuar cos coidados necesarios.
