Os bombeiros do Parque Comarcal Provincial de Boiro foron alertados ás 02:37 de hoxe dun posíbel incendio nun antigo estaleiro en A Barquiña, San Cosme, no concello de Serra de Outes.
Ao chegar ao lugar confirman que a edificación se trata dun antigo estaleiro de ribeira, con estrutura semipechada e de 2 alturas de teito, con caída a unha soa auga superposta.
O lume afectou tamén a dúas embarcacións de madeira, maquinaria, ferramentas e parte das trabes e viguetas do teito. No momento, instálanse 6 mangueiras para extinguir as lapas. Evitouse entrar no inmóbel ante o risco de caída dada a debilidade da súa estrutura.
Desde un primeiro momento, o lume é controlado con prontitude, facendo extinción e posteriormente selado de todos os puntos quentes que marcaba a cámara térmica.
Contouse coa axuda do persoal do GES de Noia para a recollida da liña de extinción. Ata o lugar tamén se despraza Garda Civil de Outes.
