Accidente múltiple en Rianxo, na autovía quilómetro 15 en dirección a Ribeira

08 Xuño 2024

Bombeiros Boiro

Un accidente múltiple na Autovía sáldase con catro persoas feridas e obriga a interromper o tráfico nun carril de circulación en Rianxo

Tres dos feridos foron trasladados ao Hospital Clínico de Santiago de Compostela e un ao Hospital do Barbanza.

O accidente, no que se viron implicados seis vehículos,  ocorreu esta mañá, ao fío das 09:30 horas, na AG-11, ao redor do quilómetro 14, dirección Ribeira, á altura de Asados, no concello coruñés de Rianxo.

O 112 Galicia tivo constancia do suceso grazas á chamada de varios particulares que circulaban por esa vía a esa hora. Informaban de varios coches implicados, pero sen concretar mais información e sen asegurar se había persoas feridas.

A partir de aí, desde o 112 Galicia púxose en marcha un operativo de intervención formado polo persoal do Servizo de Urxencias Sanitarias de Galicia-061, Bombeiros de Boiro, Garda Civil de Tráfico, Policía Local, efectivos da Agrupación de Voluntarios de Protección Civil da localidade e polo persoal de mantemento da Autovía, que interromperon a circulación no punto quilométrico 13.8 e desviaron o tráfico polo enlace de Catoira.

A información recollida no 112 Galicia a través dos primeiros alertadores, apuntaba a que o primeiro vehículo implicado batera contra  a mediana da Autovía, quedando atravesado no medio da vía e provocando a colisión dos seguintes vehículos contra o mesmo. De feito, xa no lugar dos feitos, os Bombeiros indicaron que a persoa do vehículo implicado, estaba fora, e resultou ferida tras ser alcanzada por outro dos vehículos. Aseguraban que había mais persoas feridas no resto dos coches implicados.

Así, tras confirmarse a evacuación dos catro feridos aos centros hospitalarios por parte dos profesionais sanitarios, os Bombeiros procederon coa limpeza da vía, que polo momento segue interrompida á circulación.

ACTUALIZACIÓN:

O persoal do Servizo da Autovía e os Bombeiros de Boiro, tras rematar as tarefas de limpeza na vía, informan de que, a vía, quedou totalmente restablecida ao tráfico.

Outros artigos

Luns continúa a choiva e as temperaturas sen cambios

O luns unha fronte fría, asociada a esa borrasca, afectará a Galicia, especialmente na segunda metade do día. Así comezaremos a xornada cos ceos moi nubrados, con chuvias no litoral atlántico, localmente fortes. As temperaturas mínimas terán un lixeiro ascenso,...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...