Dende este mércores 12 de xuño e até o día 19 deste mesmo mes estará aberto o prazo para formalizarmos a matrícula no Campamento Concilia Verán 2024 do Concello de Rianxo. Temos toda a información na web municipal, onde se lembra que as 195 prazas contempladas no inicio tiveron que ampliarse a 240 “coa finalidade de atender a gran demanda de prazas por parte das familias rianxeiras”.
O campamento, destinado á rapazada de entre 3 e 12 anos, desenvolverase no IES Félix Muriel, no CEIP Ana María Diéguez e no CEP Brea Segade dende o 24 de xuño ata o 30 de agosto. Ademais, contará con Plan Madruga.
Na edición do ano pasado participaron máis de máis de 240 rapaces e rapazas de entre 4 e 11 anos.
O campamento é un xeito de botar unha man ás familias que máis precisan atopar alternativas de lecer para rapazada durante este verán e con formato de horario estendido.
