A concelleira de Educación, Cruz Rivadulla e a profesora da Escola Municipal de Ballet, Cristina Riveiro presentaron este luns o espectáculo Bailadoras, unha coreografía que fará un percorrido polo mar, os seus oficios e o labor da muller coma protagonista. Actuarán 30 bailarinas da Escola Municipal inspiradas na música celta. Interpretarán o sábado 22 un total de 10 danzas distribuídas en varios apartados.
Estes apartados son:
–As Redeiras, bailarán pezas marcadas polo ritmo das ondas do mar.
–As Lavandeiras, baile adicado ás mulleres que ían a lavar a regatos ou lavadoiros.
–As mariñeiras, unha ollada ao voo das gaivotas cando seguen o ronsel dos barcos cando van chegando a terra.
A concelleira de Educación indicou o “bo traballo” que se está facendo dende a escola e engadiu que “o ballet é unha linguaxe artística universal que aporta compañeirismo, esforzo, constancia e
cultura”.
A profesora e coreógrafa Cristina Riveiro falou da implicación e motivación das alumnas e pais, anima á veciñanza a acudir a esta estrea.
