A “2 de RTVE” proxecta esta noite do domingo “La isla de las mentiras” baseada no naufraxio do Santa Isabel

16 Xuño 2024

A segunda cadea de TVE proxecta esta noite ás 22.30 a versión en castelán de “A Illa das mentiras”, pelicula dirixida por Paula Cons que ten como eixe o naufraxio do vapor-correo Santa Isabel.

A película, estreada no 2020 é unha interpretación libre do acontecido a noite do 2 de xaneiro de 1921, cando o buque se dirixía a Vilagarcía a embarcar pasaxe embarrancando nos baixos da illa de Sálvora e morrendo 213 persoas, sálvandose 53, converténdose no terceiro naufraxio en vítimas civis da costa galega. O acontecemento sería recoñecido como o “Titanic da costa galega”.

Dirixida por Paula Cons e protagonizada por Nerea Barros Dario, Aitor Luna, Vitoria Teijeiro e Ana Oca.

A película arranca no afundimento do buque “Santa Isabel” fronte ás costas da illa de Sálvora no concello de Ribeira en 1921, aínda que non é a historia do naufraxio se non un thriller novelado. A madrugada do 2 de xaneiro de 1921, o vapor-correo, con destino Buenos Aires e 266 persoas a bordo, afúndese fronte á costa da illa de Sálvora morrendo 213 persoas. A falta de homes na illa tres mulleres María ( Nerea Barros), Josefa (Vitoria Teijeiro) e Cipriana (Ana Oca), deciden ir ao rescate salvando a varias ducias de persoas, un acto heroico que pagarán moi caro.

Tras estes feitos, un xornalista arxentino, León (Darío Grandinetti), acode a Sálvora para cubrir a noticia do naufraxio. Aos poucos irá descubrindo que esa noite producíronse demasiadas casualidades na illa, chegando mesmo a sospeitar que o naufraxio puido ser provocado. Mentres tanto, xa nada será igual. O naufraxio sacudirá e cambiará para sempre a vida da illa. ‘A illa das mentiras’ é unha coprodución entre as españolas Agallas Films e Historias do Tío Luís, coa arxentina Aleph Cinema e a portuguesa Take 2000.

Presentación da rodaxe da película na Sala-Museo de Ribeira en marzo de 2020.

Conta coa participación de TVG, RTVE e ETB, e co apoio de AGADIC, Gobierno Vasco, ICAA, INCAA arxentino, ICA portugues, o Programa Ibermedia e o Concello de Ribeira. Da súa distribución nacional e internacional ocúpase Filmax. Co título de ‘O Santa Isabel’ a película recibiu o ano 2018 un total de 400.000 euros na convocatoria de axudas selectivas do ICAA. Así mesmo, este proxecto foi seleccionado e finalista no Foro EGEDA/ FIPCA celebrado no marco dos Premios Platino, e para participar no SantiagoLab Cruzando Fronteiras no marco do SANFIC, Festival de Cinema de Santiago de Chile.

Outros artigos

Domingo, San Cristovo, día pasado por choiva e baixa temperatura

Durante a xornada do domingo, día de San Cristovo, quedaremos na influencia dun centro de baixas presións, con ventos húmidos do suroeste. Con esta situación, os ceos estarán moi nubrados, con chuvias febles e intermitentes, máis probables no litoral oeste, aínda que...

+

Acordo para pescar en caladoiros arxentinos

O Executivo de Javier Milei despexa o futuro para os barcos galegos con cotas de pescada para 15 anos A intención de Milei de establecer un sistema de poxa para as licitacións internacionais mantiña en tensión a frota de capital galego que pesca nos caladoiros...

+

Publicidade

Revista en papel

Opinión

“Cordura y centralidad”. Alberto Barciela

“Cordura y centralidad”. Alberto Barciela

Los anhelos, las ambiciones desmedidas, pero también las más o menos comprensibles, se confunden entre tantos escombros, entre los cascotes de lo que fueron los valores consensuados por la sociedad, la política, la Justicia, la economía. Incluso las referencias...