Trinta e unha persoas da contorna rianxeira participan este ano nunha nova edición do proxecto de democratización do coñecemento Camiños do Coñecemento e Experiencia, programa promovido pola Universidade de Santiago de Compostela en colaboración co Concello de Rianxo e dirixido a persoas maiores de 50 anos que desexen seguir aprendendo e enriquecer a súa formación.
As actividades desenvólvense ao longo desta primavera, con inicio o pasado mes de abril.
Trátase dunha iniciativa da Universidade de Santiago e en concreto do Vicerreitorado de Estudantes, en colaboración, neste caso concreto, co Concello de Rianxo.
As sesións estanse a celebrar na Aula no Centro Sociocultural do Auditorio de Rianxo e inclúen formacións relacionadas coa entomoloxía (o estudo dos insectos), a tradición xacobea e a música. A continuación damos conta do programa:
24/04/24 16:30 – 18:00 h
Seminario: Para que serven os insectos? José Carlos Otero González, profesor emérito da facultade de Bioloxía.
25/04/24 16:30 – 18:00 h
Obradoiro práctico: Para que serven os insectos? José Carlos Otero González, profesor emérito da facultade de Bioloxía.
26/04/24 16:30 – 18:00 h
As orixes do culto xacobeo: historia e lenda. Victoriano Nodar Fernández.
29/04/24 16:30 – 18:00 h
A relevancia, a diversidade e a riqueza do patrimonio cultural inmaterial galego: unha aproximación á Historia da Música Galega e aos instrumentos de percusión. María González Blanco, docente da facultade de Ciencias da Educación.
29/04/24 16:30 – 18:00 h
Obradoiro práctico de ritmo e percusión. María González Blanco, docente da facultade de Ciencias da Educación e Lusine Grigoryan Zohrabyan.
03/05/24 16:30 – 18:00 h
Seminario: As orixes do culto xacobeo: historia e lenda. Victoriano Nodar Fernandez.
