SEA e o Concello de Ribeira buscan solucións para satisfacer a demanda de solo industrial na zona

15 Maio 2024

A xerente de Solo Empresarial do Atlántico (SEA), Beatriz Sestayo, reuniuse este martes 14 de maio co alcalde de Ribeira, Luís Pérez Barral, co obxectivo de buscar de maneira conxunta solucións para satisfacer a demanda de superficie industrial na contorna do concello. Sestayo e Pérez Barral coincidiron na necesidade de habilitar solo para as empresas na comarca.

O equipo de SEA, encabezado pola súa xerente Beatriz Sestayo, acudiu na mañá deste martes 14 ao Concello de Ribeira coa intención de abrir vías de comunicación para acadar os devanditos obxectivos.

Na xuntanza decorrida en Ribeira entre o equipo e xerente de SEA, o alcalde, tenentes de alcalde e concelleira de Facenda, abordouse o feito de que os parques empresariais de Rianxo, Boiro, A Pobra do Caramiñal e Ribeira “estean ocupados na súa totalidade” e púxose o foco no “interese xeral do empresariado por instalar as súas compañías na zona”.

Tanto SEA como o Concello de Ribeira coincidiron en destacar que “urxe unha solución rápida a estas demandas”.

O Concello de Ribeira traballa actualmente en buscar apoios para un futuro polígono na súa área de influencia. Sestayo comprometeuse a estudar este proxecto, pero anunciou que SEA apoiará a dotación de solo no lugar no que se demostre “máis viábel, porque o fin é favorecer a esta comarca para que poida seguir xerando emprego a través da implantación de novas empresas ou doutras que necesiten ampliar as súas instalacións. Para iso debemos xerar vías de colaboración entre diferentes concellos e diferentes administracións”.

Pola súa banda, o alcalde Pérez Barral apoia a decisión de SEA “porque a comarca do Barbanza é moi dinámica e necesita espazos onde asentar empresas e xerar empregos”, sinalou, engadindo que a prioridade do Concello pasa por desenvolver o proxecto emprazado no lugar de Pedras Vermellas, para o que é necesaria a cooperación entre institucións, xa que o parque ascende a 258.926 metros cadrados e prevese un investimento de máis de 13 millóns de euros. Barral agradeceu a visita de Sestayo e a disposición para buscar solucións para Ribeira e a comarca do Barbanza.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...