Ribeira vai acoller esta semana unha homenaxe ao artista Manuel Ayaso (Aguiño-Ribeira 1934-2024), un dos grandes artistas galegos do século XX, referente indiscutíbel das diferentes correntes do impresionismo e do surrealismo das pasadas décadas. O acto en lembranza de Ayaso, falecido o 15 de maio do ano pasado, contará coa presenza da concelleira de Cultura Antía Alberte, do alcalde Luís Pérez Barral e de artistas, dinamizadores culturais, familiares e amizades, como por exemplo Carlos Pereira, Alfonso Costa, Unai González e Mónica Ayaso. A vertente musical da homenaxe correrá a cargo da soprano noiesa Esperanza Mara. A cita dará comezo ás 20.00 horas no Cemiterio Municipal de Ribeira. En caso de choiva o acto trasladarase á capela do Camposanto
