Proseguen este martes en Boiro as xornadas de traballo do proxecto “O que nos conta o mar de Arousa”

20 Maio 2024

O Centro Social de Boiro (primeiro andar) vai dar acollida este martes 21 de maio, a partir das 17.00 horas, una xornada de traballo con representantes do sector pesqueiro e marisqueiro do Barbanza e de Galicia. Trátase dunha das citas do proxecto O que nos conta o mar de Arousa, que servirá de base a catro contos de temática mariñeira. As inscricións cómpre facelas no 684 33 85 73.

A xeira de traballo forma parte dun programa de catro encontros, un por cada relato en preparación: o primeiro relacionado co sector marisqueiro (o 9 de maio), o segundo co das bateas (14 de maio), o terceiro coa conserva (o 16 de maio) e o cuarto coa de pesca (o 21 de maio).

Trátase dun programa co-financiado pola Unión Europea e impulsado polo Concello de Boiro co apoio da Xunta (Consellería de Mar).

A iniciativa involucra catro sectores relevantes como son o mar, a cultura, a educación e a investigación. O plan proposto iniciouse en 2023 e esténdese ata o 2024 desenvolvéndose en dúas fases. A primeira consiste na elaboración e impresión das obras literarias infantís e na creación de materiais didácticos de apoio. A segunda é a difusión mediante a intervención lectora en escolas de primaria a cargo de persoas do sector do mar e profesionais da divulgación.

O obxectivo do proxecto é a transmisión do coñecemento xerado en universidades e centros de investigación ás xeracións novas a través de obras literarias infantís e de materiais didácticos asociados ás mesmas, así como a transmisión do patrimonio inmaterial vinculado á pesca e o marisqueo da ría de Arousa. Preténdese dar respostas a cuestións centrais do cambio climático, pesca e sustentabilidade do medio mariño baseadas no rigor científico. Ao mesmo tempo preténdese “promover a carreira investigadora e as profesións asociadas ao marisqueo e a pesca espertando o interese nas novas xeracións”. As obras literarias incidirán no rol da muller na ciencia e no mar e empregarán historias mariñeiras tradicionais, coñecementos e saberes populares característicos do sector na ría de Arousa e a talasonimia (toponimia do mar) asociada, para fortalecer a conservación dos mesmos nas xeracións devandeiras.

Outros artigos

Martes con chuvascos e temperaturas sen cambios

Xornada de inestabilidade atmosférica, agárdanse intervalos nubrados con chuvascos, localmente treboentos e ocasionalmente fortes diminuíndo cara a noite. As temperaturas mínimas sufrirán un lixeiro descenso, mentres que as máximas continuarán sen cambios. Os ventos...

+

Publicidade

Revista en papel

Opinión

“La profesionalidad del Gobernador”. José Castro López

“La profesionalidad del Gobernador”. José Castro López

El Gobernador del Banco de España finalizó el mandato y Pablo Hernández de Cos sedespidió con la elegancia de un caballero y con la profesionalidad del eminenteeconomista después de seis años al frente de una institución clave para la economía y elsistema financiero...