Este venres 24 de maio celebrouse na praza do Tapal de Noia un concerto organizado polo Conservatorio Profesional Felipe Paz Carbajal no que se quixo render homenaxe á xa histórica confluencia entre cinema e música. O Concerto de Película tivo polo tanto unha vertente audiovisual (con proxeccións de imaxes de películas na fachada da igrexa de San Martiño) e outra estritamente musical (con máis de 100 músicos interpretando bandas sonoras de películas coñecidas por todas e todos as/os seareiros do sétimo arte, e mesmo polos non tan seareiros).
Entre as películas recreadas a través de proxeccións e música atopábanse Grease (na imaxe), Regreso ao futuro ou a saga de Indiana Jones.
Contouse coa presenza da Banda Isabel II de Touro e a S.R. San Xoán de Calo.
A cita foi este 24 de maio ás 22.30 horas.
