O vindeiro 8 de xuño celebrarase no Pazo de Goiáns o I Recital Poético María Mariño do Concello de Boiro. Na presentación da actividade, que tivo lugar no Consistorio este 30 de maio, estiveron a concelleira de Cultura, María Outeiral; a poeta Anxos Castro; e o musico e poeta Xulio Gutierrez.
O recital será ás 19.00 horas no Pazo de Goiáns e contará coa participación de poetas locais como son Anxos Castro, Ana Lojo ou Juan A. Castro Parada; pero tamén outros poetas doutras localidades como O Grove, Sanxenxo, Pontevedra, Ponteareas… “Espero que este I Recital de María Mariño do Concello de Boiro teña unha boa acollida“, afirmou Anxos Castro.
A xornada vai consistir nun recital con tempo limitado para cada un dos autores “este acto vai ser de reivindicación da poesia, varios poetas de toda Galicia van recitar as súas propias obras que isto e emocionante para o propio autor “, recoñeceu Xulio Gutiérrez.
Este acto terá unha actividade musical ao principio e ao final polo grupo Menestreis na que van a interpretar poesía medieval, cantigas profanas, escarnio…
A concelleira de Cultura, María Outeiral, agradeceu a implicación de todos os participantes neste I Recital Poético “que vai traer a Boiro e ao Pazo de Goiáns unha nova actividade que non se tiña celebrado ata o momento pero que está moi vinculada á historia de Goiáns a través da figura de María Mariño.
Tamén haberá un micro aberto, todos aqueles que queiran participar terán que mandar un correo para inscribirse ao correo centrosocial@boiro.org”.
