O Concello de Ribeira traslada a Patrimonio Natural a necesidade de revitalizar o Parque Natural de Corrubedo

27 Maio 2024

O alcalde de Ribeira, Luís Pérez e a concelleira de Medio Ambiente, Antía Alberte, reuníronse coa directora xeral de Patrimonio Natural, Marisol Díaz a quen lle trasladaron a necesidade de “realizar actuacións que permitan revitalizar o Parque Natural Complexo Dunar de Corrubedo e Lagoas de Carregal e Vixán”. En concreto, propuxéronlle crear varias liñas económicas dirixidas ás persoas propietarias de terreos dentro da zona protexida con diversas finalidades. A primeira delas sería para promover o cultivo das terras, a gandaría, a apicultura, a silvicultura e calquera outro tipo de “actividades respectuosas co medio natural” e “conseguindo xerar un impacto económico na zona”.

Por outra banda, demandaron que a Xunta realice unha memoria económica para compensar ás persoas propietarias de terreos e titulares de dereitos consolidados, que estean en disposición de vender os seus terreos. “Esta medida faría posíbel que a Xunta fose mercando terreos a quen teña intención de vendelos”, comentou o rexedor.

Durante a xuntanza mantida na Consellaría de Medio Ambiente, tamén se lle trasladou á directora xeral o problema que xeran os xabarís nos terreos cultivados polo que o Concello demandou “medidas que permitan reducir o número de exemplares desta especie e tamén axilidade nas axudas establecidas para paliar os danos nos cultivos”.

Ademais, a delegación ribeirense explicou que considera “importante” garantir un correcto estado dos paseos e zonas de maior tránsito. Por parte da Dirección Xeral de Patrimonio, comprometéronse a realizar tarefas de mantemento dos estacionamentos das dunas e tamén da praia do Vilar, algo que o rexedor agradeceu.

Por último, a concelleira fixo fincapé na importancia de reducir as especies invasoras como a Cortaderia selloana, tamén denominada herba da pampa, e animou a realizar campañas de educación ambiental coa rapazada, abrindo durante todo o ano o Centro de Interpretación de los Ecosistemas Litorais (CIELGA) para dar a coñecer os valores ambientais e naturais do Parque.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.