O Concello de Boiro saca a licitación as obras para a reforma do Mercado Municipal

24 Maio 2024


O Concello de Boiro sacou a licitación o proxecto de Reforma do Mercado Municipal. As actuacións, dun importe de 145.657,89 euros, teñen como finalidade unificar a imaxe do inmóbel, mellorando a sinaléctica dos comercios e a iluminación do espazo.

As actuacións previstas son o cambio de luminarias, o pintado do falso teito segundo a tipoloxía do local, a colocación de biombos (mamparas) e elementos decorativos.

As obras “implican unha homoxeneización dos rótulos dos diferentes postos, un requisito xa disposto no regulamento do propio Mercado Municipal”, sinalou o Concello, engadindo que as actuacións vanse levar a cabo mediante unha subvención do Ministerio de Industria, Turismo e Comercio financiada con fondos Next Generation EU para a modernización do Centro Comercial Aberto de Boiro dun importe de 237.641 euros.

Ademais da reforma do Mercado Municipal, con esta subvención o Concello de Boiro levou a cabo outras accións para a promoción do comercio local como son atopan a implantación de sistemas de recollida e reciclaxe de envases, a instalación de puntos Wi-Fi de acceso á Rede e de recarga de vehículos eléctricos, posta en marcha de bonos para o comercio, formación en mercadotecnia dixital e posicionamento SEO para os negocios e outras actividades para a promoción do comercio.

As actuacións atópanse en fase de licitación e as empresas interesadas poden presentar as súas ofertas a través da Plataforma de Contratación do Sector Público ata o 4 de xuño.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...