O Concello de Boiro destina 72.800 euros para a práctica de deporte federado no municipio

06 Maio 2024

O Concello de Boiro convocou as subvencións ao deporte federado por valor de 72.800 euros. Estas axudas divídense nunha liña de bolsas para deportistas federados e outra de axudas destinadas a clubs e entidades deportivas. O concelleiro de Deportes, Marcos Fajardo, explicou máis polo miúdo estes apoios á promoción do deporte no municipio.

Segundo detallou, a cantidade total que se vai destinar a esta liña de axudas e subvencións é de 72.800 euros. Por unha banda atópanse as subvencións a clubs e entidades deportivas para o financiamento de gastos federativos; seguros, salarios e seguridade social; gastos de xestión; gastos publicitarios ou de comunicación; gastos de vestimenta e lavandería; formación, ximnasio, fisioterapia e farmacia; gastos derivados de desprazamentos, hospedaxes, aloxamentos e manutencións; arbitraxes; premios e trofeos; e equipamento deportivo.

Tamén se convoca unha liña de axudas a deportistas federados da localidade e que ten como obxectivo apoiar o esforzo realizado por deportistas locais nas súas respectivas modalidades. As persoas beneficiarias destas axudas deberán ter entre 9 e 23 anos; estar empadroadas en Boiro; ter licenza federativa en vigor; e ter participado, na tempada anterior, en campionatos ou probas oficiais.

O Concello de Boiro convoca esta liña de axudas á promoción do deporte local no marco das súas competencias para o fomento de actividades deportivas e lúdicas, co obxectivo de apoiar a participación dos clubs deportivos do municipio en ligas e competicións oficiais do ámbito comarcal, provincial, autonómico ou estatal nas distintas modalidades deportivas. O concelleiro de Deportes, Marcos Fajardo, destacou a implicación do Concello co deporte no municipio: “Destinamos máis de 420.000 euros do orzamento municipal á promoción do deporte entre estas subvencións de concorrencia, as subvencións nominativas, escolas deportivas municipais e veráns deportivos”.

O prazo de presentación de solicitudes para participar desta convocatoria está aberto dende este luns 6 de maio e por un prazo de dez días hábiles. As bases da convocatoria e toda a información (da primeira e da segunda convocatoria) está dispoñíbel na web municipal.

Outros artigos

O filme documental 360 curvas proxéctase este domingo en Boiro

O Ciclo de Cine Mestre Mateo, impulsado nos concellos pola Academia Galega do Audiovisual, volveu poñer o foco en Boiro para dar coñecer ao público a rica colleita cinematográfica galega deste último ano. Sen ir máis lonxe, este domingo 18 de outubro proxectarase no...

+

Publicidade

Revista en papel

Opinión

“Juan Magán” – Xulio Xiz

“Juan Magán” – Xulio Xiz

Estes días, Merce e máis eu, mergullámonos cada día no multitudinario ambiente festeiro, disfrutamos coa venerable presencia de Celtas Cortos e ousamos asistir ao concerto de Juan Magán. Con relativo coñecemento do actual mundo musical, que navega de Camilo a India,...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.