A previsión de chuvia para toda a fin de semana obrigou á Concellería de Cultura da Pobra do Caramiñal que dirixe Patricia Lojo a facer novos cambios na programación para esta fin de semana ao abeiro do Maio das Letras Galegas 2024l.
Así, na xornada deste 17 de maio, Día das Letras Galegas, unicamente se vai celebrar animación de rúa na sesión vermú a cargo de Tanto Nos Ten.
A maiores, adíase a actividade dirixida para as crianzas que estaba artellada para o sábado 18. A nova data é o venres 24, en horario de 17.00 a 20.00 horas, no parque do Castelo. Alí haberá xogos tradicionais e obradoiros de chapas e marcapáxinas.
