O alumnado do Obradoiro de Emprego Tahume (edición IX) estivo a traballar a pasada semana no acondicionamento do parque periurbano de San Roque, en Ribeira, e no mantemento do céspede do Campo de Fútbol da Fieiteira, tamén en Ribeira.
Como lembrarmos, o Obradoiro de Emprego Tahume, que vai pola súa IX edición xa prepara unha décima convocatoria, vén da man dos Concellos de Ribeira e Porto do Son e ten o obxectivo compartido de favorecer a inserción laboral da poboación dos ditos municipios que se atopa en situación de desemprego.
Ademais, dos traballos realizados os a comezos de maio en Ribeira (no parque de San Roque e na Fieieira), as e os participantes na modalidade de Actividades auxiliares en conservación e mellora de montes realizaron o acondicionamento de camiños na parroquia de Baroña. A maiores, o alumnado da modalidade de Actividades auxiliares en viveiros, xardíns e centros de xardinería puxo a punto as zonas verdes do Centro de Día de Porto do Son.
As especialidades impartidas nesta convocatoria de Tahume son: Actividades auxiliares en viveiros, xardíns e centros de xardinería e Actividades auxiliares en conservación e mellora de montes. O alumnado da novena edición de Tahume (20 persoas demandantes de emprego, 10 por cada un dos concellos organizadores) conta coa axuda dun director de obradoiro, dous mestres para ambas especialidades e un titor.
Os días pasados ambos Concellos (Porto do Son e Ribeira) confirmaron que van seguir xuntando forzas para dar continuidade ao Obradoiro de Emprego cunha nova edición do mesmo, Tahume X.