O alumnado de Tahume IX acondiciona o Campo da Fieiteira e o Parque Periurbano de San Roque (Ribeira)

24 Maio 2024

O alumnado do obradoiro de emprego Tahume IX estivo a traballar no mantemento do céspede do Campo da Fieiteira, en Ribeira. Ademais, esta mesma semana as e os participantes no obradoiro impulsado polos Concellos de Ribeira e Porto do Son tamén levaron a cabo rozas e traballos de acondicionamento no Parque de San Roque, en Ribeira, aplicando, coma no caso do Campo da Fieteira, os coñecementos adquiridos no transcurso da formación e mellorando así as súas habilidades.

O Obradoiro de Emprego Tahume (edición IX) vén da man dos Concellos de Porto de Son e Ribeira para favorecer a inserción laboral da poboación dos ditos municipios que se atopa en situación de desemprego.

A maiores, no territorio de Porto do son as e os estudantes do módulo de viveiros e xardíns acondicionou as zonas verdes da EEI de Caamaño e da EEI de Carballosa. As tarefas a desenvolver incluíron a plantación de moreiras. Por outra banda, as e os participantes na modalidade de Actividades auxiliares en conservación e mellora de montes realizaron melloras nos camiños na parroquia de Baroña e o alumnado da modalidade de Actividades auxiliares en viveiros, xardíns e centros de xardinería puxo a punto as zonas verdes do Centro de Día de Porto do Son.

As especialidades impartidas nesta convocatoria de Tahume son: Actividades auxiliares en viveiros, xardíns e centros de xardinería e Actividades auxiliares en conservación e mellora de montes. O alumnado da novena edición de Tahume (20 persoas demandantes de emprego, 10 por cada un dos concellos organizadores) conta coa axuda dun director de obradoiro, dous mestres para ambas especialidades e un titor.

Os días pasados ambos Concellos (Porto do Son e Ribeira) confirmaron que van seguir xuntando forzas para dar continuidade ao Obradoiro de Emprego cunha nova edición do mesmo, Tahume X.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.