As XVIII Xornadas de Información Sociosanitara de Outes achegaron este xoves 30 unha nova conferencia: a xornada Saúde mental: Saber pedir axuda, foi impartida por Rosa Cerqueiro Landín, psicóloga no Complexo Universitario de Conxo (Santiago, Hospital Provincial). A sesión desenvolveuse no salón de actos da Casa da Cultura da Serra de Outes, baixo unha asistencia de mais de 150 persoas. Así mesmo tamén estivo presente o alcalde do Concello de Outes, Manuel González López, e o presidente de Terra de Outes, Xesús Mato Vilas, que fixeron os discursos de clausura das xornadas
A coordinación correu a cargo do doutor Xosé Mª Dios Diz, médico especialista de Atención Primaria de Outes.
Ao final do acto, a relatora foi agasallada cunha figura de artesanía feita polos usuarios de ADISBISMUR Valadares (Outes).
Curso 2023-2024
A nova edición das Xornadas Sociosanitarias de Outes comezou o pasado mes de outubro e achega unha sesión divulgativa o último xoves de cada mes ás 18.30 horas. O programa vén composto de sete conferencias-coloquio, coordinadas polo doutor Xosé María Dios Diz. Houbo charlas sobre economía e saúde, o gas radon e como minimizar a súa presenza nos nosos fogares, a soidade na idade adulta (estratexias preventivas para mellorar a calidade de vida) e saúde mental.
