O 112 Galicia tivo constancia do acontecido dez minutos despois das 15:30 horas, cando un particular contactou para informar dun corpo flotando nunha zona de rochas do lugar de Vilaxoán, en Sobrán
Decontado, os servizos de emerxencias presentáronse no punto e valoraron a situación. Os membros do Servizo Municipal de Emerxencias de Vilagarcía foron os encargados de rescatar o corpo da muller, que segundo indicaron ao 112 Galicia faltaba desde onte.
Neste operativo participaron Urxencias Sanitarias de Galicia-061, Salvamento Marítimo, o Servizo de Gardacostas de Galicia, a Policía Nacional e os efectivos do Servizo Municipal de Emerxencias, Protección Civil e a Policía Local de Vilagarcía.
Ademais, dous membros do Grupo de Intervención Psicolóxica en Catástrofes e Emerxencias (GIPCE) desprazáronse ao lugar para prestar asistencia aos familiares da falecida.
