Este xoves 9 de maio celebrouse na sede da Asociación de Empresarios de Ribeira) a entrega do premio da Campaña do Día da Nai da patronal. A veciña finalmente agraciada co obsequio de 1.000 euros foi Ana Lens, por unha compra realizada na tenda de calzado Chinela. Pola súa banda as/os premiadas/os cunha cesta da compra valorada en 50 euros para gastar no HiperGadis foron Teresa Millares (El Golimbreo), Tania Barrientos (Os Nenos), María Roca (Gena´s) e Jose Manuel Dominguez (Sportbike).
A nova Campaña do Día da Nai da patronal de Ribeira foi unha iniciativa destinada novamente a dinamizar as compras locais e a visualizar, recoñecer e reivindicar o importante (e necesario) compromiso da cidadanía cos negocios de proximidade. Convocáronse tres premios: un vale de 1.000 euros, 20 entradas para unha clase maxistral de estilismo e catro cestas de compra valoradas en 50 euros cada unha.
Na entrega dos premios deste xoves 9 de maio participaron tamén Francisco Martínez Gude, presidente da asociación, e Vicente Mariño de Bricio, tenente de alcalde de Ribeira. A campaña estivo co-financiada pola Xunta de Galicia.
