Deputadas nacionais do Psoe visitan AMICOS en Boiro

14 Maio 2024

Ás representantes políticas no Congreso acompañáronas o alcalde de Boiro, José Ramón Romero, e o concelleiro de Política Social, Raúl Treus

Paula Mª Fernández e María Montserrat García visitaron a tarde deste martes, 14 de maio, as instalacións do Centro de Atención Integral de Amicos para coñecer a fondo o labor e a actividade da entidade. Así, o obxectivo da cita foi coñecer as reivindicacións
das persoas con discapacidade e as súas familias en calidade de deputadas nacionais.
Ás representantes políticas no Congreso acompañáronas o alcalde de Boiro, José Ramón Romero, e o concelleiro de Política Social, Raúl Treus. No centro recibíronos a vicepresidenta de Amicos, Digna Iglesias, o director xeral da asociación, Xoán España, e os responsable e coordinador da área de Alianzas con Persoas e Empresas, Miguel Beiro e Keltoi Cameán respectivamente.
Antes de dar comezo ao percorrido, Romero declarou que “para Boiro é un orgullo ter unha organización como é Amicos. Sei que as compañeiras marcharán con boa impresión polo grande dinamismo que ten esta asociación, penso que xa é unha das mellores organizacións non só a nivel de Galicia senón tamén do Estado. É un claro exemplo de como hai que facer as cousas e como se poden facer ben”.
Pola súa banda, García comezou a súa intervención agradecendo a invitación, tralo que declarou que “aínda que acabamos de chegar, estanos impresionando todo o que nos están contando sobre o traballo que se realiza e todo o se leva a cabo aquí. Penso que son un exemplo de como avanzar para a integración das persoas, para acadar unha igualdade real e efectiva”.
Tras estas palabras, Paula Fernández salientou “como deputada, opino que temos que facer moito territorio, coñecer a pé de rúa o que fai a sociedade para estar máis preparados para darlle solucións. Vir aquí hoxe permítenos coñecer en primeira persoa que é o que fan en Amicos, pero tamén nos permite recoñecer as demandas das persoas con discapacidade para poder axudarlles a resolvelas”.
De seguido declarou que “como alcaldesa en Silleda descubrín a Amicos a través dun programa fantástico para a empregabilidade que temos alí. Coñecer aos dous representantes da entidade que visitan o meu concello abriume a mente para dicir ‘teño que ir alí e coñecer todo o que fan”.
Tras unha primeira toma de contacto quixo darlle os “parabéns á directiva por ter creado isto, a todas as traballadoras e traballadores e á nosa guía Adriana. Espero que como deputadas poidamos ser útiles para vós e poidamos recoller ben as vosas demandas”.

Pola súa banda, o director xeral de Amicos comezou a súa intervención agradecéndolle aos representantes políticos “que se acheguen á base social a coñecer as necesidades de primeira man, así como o seu compromiso de trasladar as necesidades de cambio e de mellora que hai que facer no servizo de apoio a persoas con discapacidade. Tomar nota da evolución que os novos servizos sociais teñen que ter nos próximos anos”.
Asemade, quixo mostrar que para Amicos “ é unha honra a vosa presenza, que vos acheguedes, que escoitedes e, sobre todo, que traballedes na consecución deses cambios. Se todos empurramos, os cambios que son necesarios seguro que se levarán a cabo. Dende a nosa entidade gustaríanos trasladar e reiterar que a evolución ten que seguir, que temos que ir avanzando ata conseguir a plena inclusión da persoas con discapacidade na nosa sociedade”.
Tras esta breve comparecencia, a comitiva puido coñecer as instalacións e as distintas áreas da entidade. O percorrido foi conducida pola amica Adriana Miguens, beneficiaria do Fogar Amicos, que contou co apoio da coordinadora de centros da asociación, Pilar Sampedro, durante a visita. Ao longo da tarde, as invitadas viron en primeira persoa o traballo que se desenvolve no centro día a día, tanto en atención directa como nos departamentos técnicos. Ademais, con motivo da semana das Letras Galegas, os mozos e mozas explicáronlles como funciona o Galeguímetro, un concurso sobre cultura xeral galega.
Tamén coñeceron o Fogar Amicos e a Fábrica Social, así como os proxectos presentes e os plans de futuro da entidade. Asemade, os amicos e amicas non quixeron deixar pasar a ocasión de trasladarlle a Fernández algunhas das súas inquedanzas.

Outros artigos

Eliminado un punto de vertido de augas residuais na Pobra

Augas de Galicia (Xunta) contribuíu a eliminar un punto de vertido de augas residuais de carácter municipal na parroquia de Santa María A Antiga, no concello da Pobra do Caramiñal. O persoal do Programa de Control de Vertidos constatou esta anomalía no transcurso dos...

+

Publicidade

Revista en papel

Opinión

“España no va como un cohete”. José Castro López

“España no va como un cohete”. José Castro López

La Comisión Europea eleva al 2,1 por cien el crecimiento del Producto Interior Bruto(PIB) en 2024, cuatro décimas por encima de pronósticos anteriores, prevé que Españacumplirá el objetivo del 3 por cien del déficit que exigen las reglas fiscales, espera quecontinúe...