As Festas de Nebra arrincan o mércores 22 con música, misas, actividades para a rapazada, unha festa da xuventude e a 2ª Andaina de Santa Rita

20 Maio 2024

A parroquia sonense de Nebra vai acoller esta semana as súas Festas de San Rita, que inclúe no seu programa actividades para veciñas e veciños (e visitantes) de todas as idades). Celebrarase os días 22, 23, 24 e 25 de maio, organizadas pola comisión local de festas en colaboración co Concello de Porto do Son. O programa arrincará este mércores 22, día adicado a Santa Rita, con misas ás 9.00, ás 10.00, ás 11.00, ás 12.00 (solemne) e ás 20.00 horas. A parte musical virá da man do grupo de pandeireteiras Falcoeira (dianas) e do Trío Arena (sesión vermú e verbena).

Ao día seguinte, xoves 22 (na honra do Cruceiro de Tores), a axenda comezará cunha misa solemne ás 12.00 horas, con dianas (novamente) a cargo de Falcoeira e sesión vermú e verbena con Trío Digital. Ás 19.00 horas está previsto un concerto de música tradicional galega con Falcoeira e Canlebó de Camboño, no Cruceiro de Tores.

O venres 24 será a quenda da primeira edición da Festa da Xuventude. Actuarán Planet Disco Móbil con Mateo Abelleira, DJ Jalaiko e DJ Places.

As festas rematarán o 25 de maio, sábado, coa segunda edición da Andaina de Santa Rita que inclúe unha ruta cabalar (ás 9.30), a saída dos camiñantes (adultos e nenos ás 10.00 horas) e xogos populares e merenda (de 12.00 a 14.00 horas). Logo será a quenda da sesión vermú co grupo Unión y Fuerza. O xantar inclúe porto ao espeto e carneiro. Logo da comida haberá tarde de bingo, de 16.00 a 20.00 horas, con inchábeis e actividades infantís. A orquestra Unión y Fuerza porá o broche de ouro da festa cunha gran verbena nocturna.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.