As consecuencias ambientais do proxecto de macrocelulosa de Altri centran unha charla este martes en Rianxo

21 Maio 2024

O Auditorio de Rianxo acolle este martes 21 de maio unha charla informativa organizada pola Plataforma en Defensa da Ría de Arousa sobre o impacto da celulosa que Altri proxecta en Palas de Rei (Lugo), á beira do río Ulla e en plena comarca da Ulloa. A cita, que dará comezo ás 19.00 horas, contará coa presenza de Serxio Núñez, voceiro do colectivo veciña Santiso Vivo, Ana F. Santamaría, voceira de augas de ADEGA e doutora en Hidroloxía, e Xocar Rubido, voceiro da Plataforma en Defensa da Ría de Arousa (PDR).

Na sesión exporanse as graves consecuencias ambientais que podería ter o proxecto da portuguesa Altri para o río Ulla e para a ría de Arousa, onde desemboca, e tamén para o medio no que se proxecta emprazar. En concreto, sería unha xigantesca instalación de 360 hectáreas, aproximadamente dez veces o tamaño de ENCE en Pontevedra. Segundo as organizacións ambientais, o proxecto afectaría directamente á rede Natura (Serra do Careón, Sistema Fluvial Ulla-Deza, desembocadura do Ulla na ría de Arousa e Parque Nacional das Illas Atlánticas en Cortegada) e mesmo aos propios proxectos de ampliación da rede Natura da Xunta de Galicia.

Outros artigos

Publicidade

Revista en papel

Opinión

“Eurocopa”. Xulio Xiz

“Eurocopa”. Xulio Xiz

Noto o peso dos anos, máis ca fisicamente nas continuas referencias a tempos idos. E non porque xeneralice a bondade do pasado, que moito habería que matizar, senón porque o paso do tempo me vai permitindo comparar situacións que me parecen aberrantes. O deporte –...