As alumnas do Programa Integrado de Emprego 2023-2024 que o Concello de Boiro leva a cabo xunto cos concellos de Rianxo e A Pobra do Caramiñal rematou a súa formación do sector da hostalería (bares, restauración e aloxamento). En cada curso participaron 15 alumnas que completaron 205 horas entre as actividades formativas de limpeza de aloxamentos, recepción e atención ao cliente, servizos básicos de barra, aplicación de fundamentos de cociña e manipulador de alimentos.
Ademais da formación en módulos específicos, o programa incluíu outras accións transversais como a formación para a mellora da empregabilidade, formación en habilidades sociolaborais, idiomas e novas tecnoloxías, prospección de ofertas, deseño de currículos… Todas as participantes contaron cunha bolsa de asistencia de 10 euros/dia e un módulo de prácticas específicas en empresas da comarca.
Na actualidade estanse a levar a cabo actuacións de intermediación laboral con empresas para lograr insercións laborais no sector xa que o obxectivo principal do programa é acadar a inserción laboral dun mínimo de corenta e cinco mulleres das cen participantes.
O Programa Integrado de Emprego 2023-2024 do Concello de Boiro está subvencionado pola Consellería e Emprego, Comercio e Emigración da Xunta de Galicia e o Servizo Público de Emprego Estatal.
