Alumnado da primaria da Pobra mergullouse nunha xincana co motivo das Letras Galegas 2024

28 Maio 2024

As rúas do núcleo urbano da Pobra do Caramiñal convertéronse este martes 28 de maio nun particular campo de xogos para o alumnado dos centros educativos da primaria Salustiano Rey Eiras e Pilar Maestú Sierra, ao abeiro da axenda do Maio das Letras Galegas 2024 impulsada pola Concellaría da Cultura.

Durante un anaco da mañá, a concelleira da Cultura, Patricia Lojo, acompañou preto de 350 alumnos e alumnas para comprobar a superación das diferentes probas e xogos para, logo de completados, obteren cada unha das letras que conforman o nome “Galicia” e colocalas nunha placa. Cando a palabra estivo completa, puideron trocar por medallóns de madeira personalizados con debuxos de animais mitolóxicos.

Pero descubrir estas Marabillas de Galicia non resultou doado, pois durante a súa aventura tiveron que ter coidado cos fillos da coca de Redondela, que tentaban roubar as letras xa gañadas, polo cal as crianzas tiveron que idear estratexias para evitaren que estes animais mitolóxicos con corpo de dragón e cola de serpe se fixesen coas letras, nunha xornada en que o equipo de Recuperación de Animais Mitolóxicos de Barafunda Animación quixo que coñecesen a cultura galega e coexistisen coa rapazada humana.

O cartel do Maio das Letras Galegas chegará á súa fin coa presentación do libro Fóra de xogo, de José Luis Baños, obra gañadora do VI Premio de Literatura Infantil Carlos Mosteiro. A cita desenvolverase no xoves 30, ás 12.00 horas, no Auditorio do Museo Valle-Inclán. Entregarase como obsequio cadanseu libro ao alumnado da primaria asistente a este acto.

Outros artigos

O PSOE de Ribeira acusa ao Executivo local de “falta de propostas”

O PSOE de Ribeira tamén fixo balance do ano de Goberno do PP e PBBI logo da moción de censura consumada en outubro do ano pasado. No seu balance afirmou que a alcaldesa, coincidindo co primeiro aniversario da moción de censura, "segue sen ofrecer solucións á fronte da...

+

Publicidade

Revista en papel

Opinión

“Cuando la huelga cambia de destinatario”. José Castro López

“Cuando la huelga cambia de destinatario”. José Castro López

Vaya por delante que la huelga es una conquista consagrada que tienen los trabajadorespara reivindicar y defender sus derechos. De hecho, en lo que llevamos de democraciatodas las huelgas generales se convocaron por razones laborales contra las políticas delGobierno...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.