En Rianxo, a festa cultural do mes de maio proseguirá na xornada do 18 (logo da celebración das Letras Galegas do 17 e do recital poético aberto a carón do busto de Rosalía), co Festival Infantil de Música e Baile Tradicional TR3S PRA’3, que se celebra no Auditorio de Rianxo da man da Asociación de Música e Baile Tradicional Vai de Roda coa colaboración do Concello de Rianxo.
Participarán a Escola de Baile e Música Tradicional Rebulir de Ramirás, a Asociación Cultural Mestre Manuel Gacio de Lestedo e A.M.B.T. Vai de Roda de Rianxo. As actividades darán comezo ás 18.00 horas. A entrada será de balde. Darase prioridade ás familias vinculadas cos grupos participantes. As entradas sobrantes repartiranse media hora antes da actuación na billeteira do Auditorio.
