Vegalsa-Eroski doa máis de 6.200 euros á Asociación Amicos para proxectos ambientais

09 Abril 2024

A compañía galega de distribución alimentaria Vegalsa-Eroski fixo doazón este martes 9 de abril de 6.242 euros á asociación da nosa comarca Amicos, centrada inclusión das persoas con discapacidade intelectual, autismo, parálise, dano cerebral. A contía destinarase a proxectos ambientais que a entidade con sedes en Boiro e Ribeira (e actividade en todo o Barbanza e parte doutras comarcas) leva a cabo ao longo do ano. Segundo explicaron fontes de Vegalsa-Eroski, a doazón é posíbel grazas á valorización realizada trala xestión e reciclaxe de preto de 47.700 kg de tapóns de plástico e aceite colleitados nos establecementos da rede comercial da compañía en Galicia e achegados polos clientes durante 2023.

O acto de entrega do cheque co importe doado celebrouse na xornada deste luns 8 no supermercado Eroski Center Rianxo, coa participación, por parte de Amicos, da súa presidenta, Esther Vidal; a vicepresidenta, Digna Iglesias, e o coordinador de Alianzas e Empresas, Keltoi Cameán. Por parte de Vegalsa-Eroski participaron a directora de Sustentabilidade e Comunicación Corporativa, Gabriela González e o director de Calidade e Medio Ambiente, Ricardo Castro. Ao acto tamén acudiron familias beneficiarias da asociación, así como membros de Vegalsa-Eroski.

“Esta contribución non só representa un acto de solidariedade, senón que tamén reflicte un compromiso xenuíno coa inclusión e o benestar das persoas con discapacidade. É inspirador ver como empresas como esta recoñecen a importancia da responsabilidade social e ambiental, e como están dispostas a tomar medidas concretas para marcar unha diferenza positiva na nosa sociedade. Sodes un claro exemplo de como a colaboración pode xerar un impacto significativo e transformador”, comentou a presidenta de Amicos, Esther Vidal.

Pola súa banda, Gabriela González explicou que “Vegalsa-Eroski atopa en AMICOS ao colaborador perfecto para poder contribuír á realización de proxectos ambientais que permiten implicar á comunidade local a través da inclusión social. Esta doazón é unha contribución máis que realizamos no marco do noso convenio anual e que constata a estreita relación que temos ambas as entidades no marco da nosa política de Responsabilidade Social Empresarial, RSE”.

A doazón súmase ás accións que Vegalsa- Eroski vén realizando con Amicos en materia de coidado da contorna e inclusión social ao longo dos últimos tres anos, cando a compañía adquiriu un compromiso de colaboración con esta asociación formalizado na súa Xornada de RSE celebrada en 2021, unha colaboración que neste período contemplou diversas accións, desde labores de limpeza integral de praias no marco do programa Re-Mar, un proxecto liderado por Amicos que ten como obxectivo a custodia ambiental para a redución dos residuos no espazo mariño protexido do arco atlántico galego; a outras ramas de actuación como o programa integrado de emprego, impulsado pola asociación e que permitiu inserir laboralmente a 53 persoas.

Outros artigos

Domingo regresa o sol e empeza a subir a temperatura

Na xornada do domingo seguiremos con aire frío en altura xerando inestabilidade atmosférica. Unha situación que favorecerá a formación de chuvascos, localmente treboentos, máis probables e frecuentes no interior e nas horas centrais do día. As temperaturas mínimas...

+

Ribeira pon en valor o traballo das mulleres no mar

O Concello de Ribeira conmemorou o Día Internacional da Muller no Sector Marítimo rendendo unha homenaxe a tres mulleres extraordinarias que dedicaron as súas vidas a unha profesión fundamental para a nosa comunidade: o marisqueo. O concelleiro de Mar, Fernando...

+

Publicidade

Revista en papel

Opinión

“Día das Letras Galegas 2025”. Manuel Dominguez

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...