Soledad Agra salienta a necesidade de incorporar a perspectiva de xénero na contratación pública

02 Abril 2024

O Teatro Colón acolleu na mañá deste 2 de abril a apertura da segunda xornada do II Congreso de Contratación Pública organizado pola Área de Patrimonio e Contratación da Deputación da Coruña. A deputada de Igualdade, a outense Soledad Agra, inaugurou o evento reflexionando sobre a importancia de incorporar a perspectiva de xénero nas políticas públicas. Concretamente, na contratación, á que se referiu como “unha ferramenta de cambio, con moito potencial para lograr efectos e resultados en materia de xénero”.

Así, aludiu á lexislación vixente, “que é clara xa desde a aprobación da Lei 9/2017, de 8 de novembro, de Contratos do Sector Público, pola que se traspón ao ordenamento xurídico do estado as Directivas do Parlamento Europea e do Consello 2014/23/UE e 2014/24/UE, de 26 de febreiro de 2014, cando se incide realmente no deber que toda contratación pública incorpore criterios como o da igualdade de xénero”.

Agra redundou na importancia de incorporar cláusulas sobre igualdade de xénero na contratación pública, “decisivas para reducir as desigualdades sociais e de xénero”, e na necesidade de que se apliquen “dende a análise e a preparación do contrato”. Tamén reflexionou sobre a súa inclusión real, “é urxente que se cumpra a lei”, para o que, sinalou “administracións como a Deputación debemos dar soporte, apoio, asesoramento e formación ás entidades locais máis pequenas”.

Neste sentido, lembrou que dende a Área de Igualdade da Deputación púxose en marcha o proxecto Integra o xénero: guías de transversalización de xénero acompañadas de formación, e dispoñíbeis na páxina web dacoruna.gal. Trátase, sinalou Agra, dunha das moitas iniciativas que se enmarcan no compromiso da entidade provincial coa igualdade de xénero en todos os espazos. “Imos seguir desenvolvendo políticas públicas propias e tamén imos seguir apoiando aos  concellos con diferentes actuacións: subvencións para a contratación de axentes de igualdade municipais en concellos de menos de 20.000 habitantes, oferta de actividades de sensibilización, de formación e de asesoramento, subvencións a entidades da provincia para o mantemento de programas de igualdade e contra a violencia machista, poñendo en marcha o regulamento de transversalización, na  integración da perspectiva de xénero nas políticas públicas nas diversas áreas de actuación etc.”

A deputada de igualdade deu paso á segunda xornada deste congreso, que conta con varias conferencias e mesas redondas sobre a incorporación da igualdade e de outros ámbitos sociais e medioambientais a todos os procesos de contratación pública dun xeito transversal, e que clausurará o deputado de patrimonio e contratación, Xosé Penas, ás 20:15h.

Outros artigos

Martes segue o sol e lixeira baixa da temperatura

Galicia seguirá na influencia anticiclónica con réxime de ventos do nordés. Con esta situación teremos néboas en comarcas do interior e ceos moi abertos. As temperaturas sufrirán un lixeiro descenso máximas de 23 graos Os ventos soprarán do norte-nordés moderados, con...

+

Publicidade

Revista en papel

Opinión

“Lisboa, luz cosmopolita”. Alberto Barciela

“Lisboa, luz cosmopolita”. Alberto Barciela

En apariencia, lo único que vemos de la ciudad es lo que la ciudad nos muestra. Lisboa es traslúcida, se da toda en su generosa actitud para quien se predispone a admirarla, para los que abren sus brazos con el fin de abarcar un pequeño pleno universo cosmopolita,...

“Saber lo que cobramos”. José Antonio Constenla

“Saber lo que cobramos”. José Antonio Constenla

El presidente de la CEOE, Antonio Garamendi, ha propuesta que losempresarios ingresen a cada trabajador la totalidad de su salario y quedespués sea el Estado el que se ajuste con ellos y les cobre loscorrespondientes tributos sobre su nómina. Así, estos, podrían...