Servizos Sociais de Ribeira impartirá unha formación específica de axuda no fogar

03 Abril 2024

O tenente de alcalde e concelleiro de Servizos Sociais de Ribeira, Vicente Mariño, presentou este mércores 3 de abril a formación O servizos de axuda no fogar: Coidados específicos.

Segundo explicou, o curso desenvolverase en modalidade presencial nas aulas que a Área de Servizos Sociais ten na rúa Cristobal Colón. Este curso teórico-práctico terá unha duración de 30 horas, e desenvolverase nos sábados 13, 20 e 27 de abril e 4, 11 e 18 de maio.

A formación será impartida por unha titulada en Enfermería, unha licenciada en Dereito e un graduado en Traballo Social. Tódalas persoas asistentes recibirán o material necesario para a realización do curso, co propósito de “ofrecer unha atención integral, continuada e personalizada ás persoas en situación de dependencia, coñecer as súas características psicosociais e capacitar ás e aos participantes a prestar funcións de coidadoras/es en domicilios e administración de medicamentos”, explicou Mariño.

As inscricións poderanse realizar a partir de mañá a través do teléfono 981874131 ou ben no Departamento de Servizos Sociais Comunitarios na Praza 8 de marzo s/n.

Outros artigos

Luns con sol e baixa das temperaturas máximas

Seguimos baixo a influencia anticiclónica pero con ventos de compoñente norte que afastarán as masas de aire cálido da semana anterior. Deste xeito agardamos néboas en comarcas do interior que se irán disipando deixando ceos moi abertos canto máis o sur de Galicia e...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...