O Concello de Rianxo vén de recibir unha subvención da Consellería de Cultura, Educación, Formación Profesional e Universidades para a adquisición de novidades editoriais para a Biblioteca Municipal e para a mellora das coleccións.
O importe recibido, 4.295,59 euros, permitirá por unha banda poñer a disposición dos usuarios e usuarias as novidades en galego no momento da súa entrada no mercado, mediante un proceso de compra de libros en formato físico, e pola outra actualizar as coleccións de maneira que lle permita ao persoal municipal mellorar o servizo.
